ONG Lena

ENCONTRO DE NARRADORES EN NARÓN

onglena — Sat, 07 Jan 2012 18:38:23 +0000

Márçio Caires (Velho Griô), fundador e coordinador da Asociación Grãos de Luz e Griô, coa que a ONG Lena colabora en Lençois (Bahia-Brasil), vai participar no Festival Internacional de Narración Oral “Conta con Narón” que terá lugar os días 13 e 14 de xaneiro.

Velho Griô contando historias na comunidade do Remanso

O Velho Griô é un educador aprendiz, alegre e afectivo, que canta e conta historias da cultura da cidade de Lençóis, no Brasil, inspirado na tradición oral das raíces afro-indíxenas, en rodas de vivencias, músicas e danzas que sensibilizan e integran a escola e a comunidade. Velho porque vello é o símbolo da sabedoría da vida, e Griô, porque representa unha figura do noroeste da África, que camiña entre comunidades aprendendo e ensinando a cultura da rexión. Cando o Griô conta e canta, as persoas se recoñecen, porque el fala dos avós, bisavós que conectan a historia e a vida daquel pobo, as súas loitas, a súa poesía, os seus mitos e glorias. O proxecto do Grãos de Luz e Griô trouxo dos campos da África para os campos da Bahia o Griô, que chega camiñando por sorpresa a cada comunidade e escola, reverenciando aos vellos, cantando, bailando e brincando na roda, contando historias e mitos con as crianzas e adolescentes, nais, pais, avós, educadores,. ….. todas as idades na Roda da Vida.

O venres día 13 de xaneiro, o Velho Griô fará a súa presentación na Biblioteca Municipal de Narón, ás 18:00 horas. Entrada de balde.

O sábado día 14 de xaneiro, ás 20:00 horas, poderemos escoitalo no Pazo da Cultura, xunto cos demais narradores que participan no encontro.

Programa

Festival Solidario ONG LENA o día 22 de decembro no Pazo da Cultura de Narón.

onglena — Mon, 28 Nov 2011 12:21:50 +0000

O xoves 22 de decembro, ás 20:30 horas, no Pazo da Cultura de Narón, terá lugar a sétima edición do festival solidario ONG LENA. O prezo da entrada é de 8 € e poderás mercala na billeteira do Pazo de luns a venres en horario de 11:00 a 13:30 e de 18:00 a 20:00.

Nesta edición temos o privilexio de contar coa especial colaboración de recoñecidos actores e actrices do panorama teatral e televisivo, tanto a nivel galego como estatal.

Rober Bodegas

Quico Cadaval

Iolanda Muíños e Camila Bossa

Mago Martín e

Flor Maceiras, que será a encargada de presentar a gala.

Ademais contaremos coa participación da Banda de Gaitas e do Grupo de Baile Tradicional Alxibeira do Padroado de Cultura do Concello de Narón, un grupo de Bailes de Salón das escolas do Padroado e o Club de Ximnasia Rítmica “Acordes”.

A totalidade do recadado destinarase integramente ás reformas que con urxencia precisan as instalacións que a nosa contraparte Grãos de Luz e Griô utiliza para o desenvolvemento da totalidade da súa actividade.

Non podes faltar, o divertimento está asegurado.

Podes mercar xa a túa entrada.

Agardámoste.

Colaboran:

Catering Caranza – Pazo Libunca – Viaxes Narón – Padroado de Cultura – Concello de Narón – Deputación da Coruña

Éxito de participación na 10ª xornada dos xogos solidarios ONG Lena

onglena — Thu, 20 Oct 2011 11:20:24 +0000

Preto das 500 persoas dos distintos lugares de Narón e comarca participaron na 10ª edición dos xogos solidarios que realizamos o sábado día 24 de setembro na Praza de Galicia de Narón.

A corda, o brilé, o pano, zancos, aros, chapas, tiro de corda, diábolos…. baloncesto, futbolín ….. mantivéronos xogando durante máis de tres horas. O obradoiro de construción de enredos, tivo moita actividade durante toda a tarde, os nenos e nenas que alí se achegaron puideron construír o seu propio xoguete. Nesta edición contamos tamén coa colaboración do Club de Tiro con Arco de Narón.

Ao remate, como en edicións anteriores, repartimos a merenda entre os participantes e unha camiseta co logo da ONG LENA.

Un agradecemento a todas e a todos os que coa vosa asistencia fixestes posible esta xornada e, moi especialmente, ás voluntarias e voluntarios que participaron na organización, e como non ás diversas entidades privadas e públicas que financiaron esta xornada:

La Caixa, Intaf, Neodyn, Tecman , Concellería da Mocidade do Concello de Narón

Deseguido, algunhas fotos que recollen distintos momentos da xornada:

Éxito de participación na Semana de Mobilización contra a Pobreza

onglena — Mon, 17 Oct 2011 09:14:29 +0000

Centos de persoas participaron estes últimos 5 días nas máis de quince actividades programadas na Semana Galega de Mobilización contra a Pobreza. O Teatro contra a Pobreza reuniu persoas de todas as idades nas rúas de Compostela, Lugo, A Coruña, Viana do Bolo e Pontevedra. No blog esixepobrezacero.blogspot.com atoparás vídeos, fotos e pequenas crónicas de todas as actividades!

Participa na Semana de Mobilización contra a Pobreza!

onglena — Fri, 14 Oct 2011 12:02:14 +0000

PARTICIPA NAS MOBILIZACIÓNS DO 15-M NA TÚA CIDADE

15 de outubro

Dende a Coordinadora Galega de ONGD apoiamos o movemento 15-M, mesmo participamos no Foro de Asociacións que organizou o colectivo este verán.

Neste sentido, animámosvos a saír á rúa en contra da pobreza nas distintas manifestacións que, o 15 de outubro e baixo o lema “Por un cambio de modelo político, económico e social”, terán lugar en A Coruña, Lugo, Ourense, Pontevedra e Santiago de Compostela.

Máis información.

I CARREIRA SOLIDARIA DÉCIMAS NARÓN

onglena — Wed, 05 Oct 2011 11:33:23 +0000

ÉXITO DE PARTICIPACIÓN NA I CARREIRA SOLIDARIA DÉCIMAS NARÓN

Máis de 600 corredores e corredoras participaron na I Carreira Solidaria Décimas Narón, organizada pola Ong Lena, o Club de Atletismo Affelou de Narón e a Tenda de Deportes Décimas que se celebrou o domingo día 2 de outubro polas rúas da Gándara. 270 na proba absoluta e máis de 300 nas categorías escolares.

A clasificación xeral da proba absoluta a podes atopar no seguinte enlace:

http://championchipnorte.com/

Un agradecemento aos participantes, aos colaboradores e aos patrocinadores do evento, por facer posible esta xornada deportiva e solidaria que vai contribuir ao finanzamento das obras de reforma que imos acometer no espazo do Grãos de Luz e Griô en Lençois, que precisan con muita urxencia.

Máis fotos da carreira:

http://www.facebook.com/pages/ONG-Lena/130144387050075

http://www.correrengalicia.org/index.php?name=Forums&file=viewtopic&t=9249

Cea-Festa Solidaria – Xuño 2011

onglena — Wed, 15 Jun 2011 08:02:50 +0000

O pasado sábado día 13 de xuño tivo lugar no CPI do Feal a 7ª edición da cea solidaria Ong Lena na que 127 persoas sentámonos a cear co propósito de colaborar no proxecto educativo que a ONG Grãos de Luz e Griô desenvolve na cidade de Lençois no estado de Bahía en Brasil e no que a ONG LENA participa dende hai 6 anos.

A festa estivo amenizada polo grupo Jockeys que nos fixo pasar un rato inesquecible e que colaborou solidariamente coa organización.

Agradecer tamén, a todos os establecementos comerciais que colaboraron connosco cedéndonos uns estupendos agasallos que sorteamos entre os/as asistentes á cea. Café-Bar O Cruce (Narón), Catering Caranza (Ferrol), Xoiería Fidalgo (Centro Comercial Narón), Permuferías Noebel (Ferrol), Regalos Duende (Centro Comercial Narón).

Dende aquí queremos facer chegar un especial agradecemento a todos e todas os que, non podendo asistir, colaborastes connosco dende a Mesa Cero. Grazas a todas e a todos por estar aí.

Algunhas fotos….

Éxito de participación na 9ª xornada dos xogos solidarios ONG LENA

onglena — Mon, 23 May 2011 16:32:01 +0000

Máis de 300 persoas dos distintos lugares de Narón e comarca inscribíronse para participar nesta 9ª edición dos xogos solidarios que realizamos o pasado sábado día 21 de maio na Praza de Galicia de Narón.

A corda, o brilé, o pano, zancos, aros, chapas, tiro de corda, diábolos…. baloncesto, futbolín ….. mativéronos xogando durante máis de tres horas. O obradoiro de construcción de enredos, tivo muita actividade durante toda a tarde, os nenos e nenas que alí se achegaron poideron construir o seu propio xoguete.

Ao remate, como en edicións anteriores, repartimos a merenda entre os participantes e unha camiseta co logo da ONG LENA.

Un agradecemento todas e a todos os que coa vosa asistencia fixestes posible esta xornada e, moi especialmente, ás voluntarias e voluntarios que participaron na organización, e como non ás diversas entidades privadas e públicas que financiaron esta xornada:

La Caixa, Intaf, Neodyn, Tecman , Concellería da Mocidade do Concello de Narón .

De seguido, algunhas fotos que recollen distintos momentos da xornada:

Exposición do Certame Intercentros do Concello de Narón ata o 12 de maio.

onglena — Wed, 04 May 2011 11:20:48 +0000

O Certame Intercentros celébrase anualmente e nel participan tódolos centros públicos do concello de Narón, tendo como finalidade celebrar o Día das Letras Galegas, exaltar a nosa lingua, fomentar a súa normalización e amosar a nosa cultura e a nosa realidade.

Desde hai uns anos o certame abriu un novo apartado de participación co que se pretende amosar outras realidades existentes en países menos desenvolvidos, conscientes da importancia do coñecemento doutras culturas, promovendo así un intercambio solidario entre escolares de Narón e doutros países.

Un ano máis desde LENA promovemos a participación dos escolares de Lençois neste certame. Podes ver os traballos realizados tanto nas escolas municipais como nos distintos obradoiros que realiza a asociación Grãos de Luz e Griô na exposición que ata o día 12 de maio permanecerá no Pazo da Cultura de Narón.

Oficinas Grãos de Luz e Griô 2010

onglena — Thu, 20 Jan 2011 09:08:22 +0000

Son moitas as actividades e vivencias dos participantes nos distintos obradoiros de Grãos de Luz e Griô. A través destes relatos podes coñecer o traballo realizado polos grupos cooperativos dos mozos e mozas Grãos de Luz e Griô asi como das distintas oficinas realizadas coas crianzas e adolescentes e aos seus participantes durante o ano 2010.

RELATORIO OFICINAS CRIANZAS E ADOLESCENTES 2010

RELATORIO GRUPOS COOPERATIVOS JOVENS 2010