Xogos Solidarios ONG LENA o sábado 25 de maio na Praza de Galicia
Unha vez máis queremos encher un espazo público de participación e solidariedade.
Por iso convidámosche a acudir á 13ª edición dos xogos solidarios ONG Lena que terá lugar o vindeiro sábado día 25 de maio, a partir das 16:30 horas, na Praza de Galicia de Narón.
Haberá xogos para todas as idades:
Brilé, pano, chapa, corda…. tiro de corda, zancos, aros, carreira de sacos……, baloncesto 3X3, futbolín….., xogos infantís e un obradoiro onde poderás construir o teu propio xoguete.
Ao remate da xornada, alá polas 19:00 horas, entregaremos agasallos aos participantes.
NON FALTES!
VÉN XOGAR CONNOSCO!
En caso de choiva estaremos no Pavillón da Mocidade da Gándara.
Os nosos colaboradores:
ASEMBLEA XERAL 2013
A Xunta Directiva da Asociación ONG LENA, convoca aos seus socios/as o vindeiro sábado 23 de marzo, a Asemblea Xeral, a celebrar na Casa da Cultura (Sede da ONG Lena), ás 10:00 horas, en primeira convocatoria, e ás 10:30 horas, en segunda convocatoria, coa seguinte
ORDE DO DÍA:
- Lectura e aprovación, se procede, da acta da sesión anterior.
- Presentación da memoria de actividades do ano 2012.
- Examinar e aprobar as contas do ano 2012.
- Aprovación do presuposto de ingresos e gastos do exercicio 2013.
- Aprobar o Plan de Actividades do ano 2013.
- Rogos e preguntas.
Dada a importancia dos temas a tratar, prégase a asistencia.
A Xunta Directiva
XA PROGRAMOU AS SÚAS VACACIÓNS NO 2013? COÑEZA AS TRILHAS GRIÔ
Trilhas Griô, turismo, educación, cultura e sustentabilidade.
As Trilhas Griô son rutas turísticas de base comunitaria que teñen como obxectivo crear unha opción sustentábel de turismo na cidade de Lençóis- BA, un turismo que aprende coa cultura do pobo local, integrando comunidade e turista. Nos camiños das Trilhas Griô rodas de conversa con mestres e griôs se mesturan con baños no río e nas cachoeiras (pequenas fervenzas) paseos en canoa, camiñadas pola mata, vivencias con cantadores, tocadores, parteiras, garimpeiros e pais de santo. As comidas son preparadas pola comunidade nas pousadas familiares e a comida non podería ser máis gustosa, preparada con ingredientes naturais o menú ofrece guisado de peixe, godó de banana, cortado de palma, cortado de cabaza, zumes de froitas nativas e outros manxares da gastronomía local. Ao final do paseo todo termina con danza e música tradicional da rexión, pode ser a sanfona (acordeón) do Mestre Aurino con un auténtico “forró pé de serra” ou o tradicional samba de roda da Familia Maia. É bo lembrar que todo iso acontece no medio da natureza exuberante do Parque Nacional da Chapada Diamantina, escolla a súa ruta e viva esta experiencia.
Máis información:
http://www.acaogrio.org.br/blog/2013/01/18/ja-programou-suas-ferias-em-2013-conheca-as-trilhas-grio/
Calendario 2013 ONG Lena
Aquí está o deseño do Calendario 2013 da ONG Lena.
O próximo sábado día 22 de decembro estará á venda, a un prezo de 3 €, na Tenda Solidaria que instalaremos no Pazo da Cultura de Narón con motivo do 8º Festival Solidario.
Se non sabes que agasallar este Nadal, esta pode ser unha boa idea
8º FESTIVAL SOLIDARIO ONG LENA
A ONG LENA de Narón, celebra o sábado día 22 de decembro ás 20:00, no Pazo da Cultura, a oitava edición do Festival Solidario Ong Lena.
Trátase dun espectáculo que combina representacións teatrais e actuacións musicais e de danza, na que participarán solidariamente actores e actrices de primeiro orden, que crean espectáculos exclusivos para este festival.
As entradas, a un prezo de 8 euros, están á venda na billeteira do Pazo da Cultura de Narón, de luns a venres, de 10:30 a 14:00 e de 18:00 a 20:30 horas.
Ricardo de Barreiro, será o encargado de presentar a gala, que comezará ás 20:00 horas e terá unha duración aproximada de hora e media. A parte musical e coreográfica virá da man da Banda de Gaitas do Padroado da Cultura, o Grupo de Danza Tradicional Alxibeira, o Club de Ximnasia Rítmica Acordes e os alumnos e alumnas de Bailes de Salón.
No apartado teatral contaremos coas actuacións dun grupo da Escola de Formación de Actores e Actrices de Narón, Celso Parada, Iolanda Muíños e Camila Bossa.
-
- Ricardo de Barreiro
-
- Celso Parada
-
- Iolanda Muiños e Camila Bossa
A totalidade do recadado neste Festival Solidario destinarase integramente a financiar o proxecto educativo co que a ONG Lena colabora na cidade de Lençois (Bahia-Brasil).
As Oficinas Grãos de Luz preparan espectáculos e exposicións para o final do ano
Os produtos artísticos e didáticos desenvolvidos nas oficinas de grãos de luz foron presentados ao público a finais do mes de novembro na sede da asociación Grãos de Luz en Lençóis – BA.
O evento contou con exposición de artigos variados feitos nas oficinas de arte-identidade, narración de historias, capoeira e inclusión dixital, presentación de espectáculos resultantes das oficinas de música, teatro e danza, alén da mostra de vídeos realizados nas oficinas de produción audiovisual.
As oficinas grãos de luz realizan vivencias e pesquisas compartidas do tema produtor do ano con máis de 500 nen@s, adolescentes, moz@s e as súas familias a través de proxectos pedagóxicos en oficinas e encontros semanais de arte-identidade, música, cinema, inclusión dixital, lectura, narración de historias, biodanza, teatro, xestión cultural, capoeira, papel reciclado e artes gráficas con referencias na Pedagogia Griô.
Outro punto importante do proxecto é a colaboración cos educadores do municipio, os produtos creados nas oficinas son copiados como materia didáctico para os educadores nas escolas de Lençóis e diversas escolas de Brasil que aprenden coas oficinas grãos de luz e coa Pedagoxía Griô.
Éxito de participación na II CARREIRA SOLIDARIA DÉCIMAS-NARÓN
Máis de 800 corredores e corredoras participaron na II Carreira Solidaria Décimas Narón, organizada pola Ong Lena, o Club de Atletismo Affelou Narón e a Tenda de Deportes Décimas Ferrol que se celebrou o domingo día 30 de setembro polas rúas da Gándara. 405 na proba absoluta e 400 nas categorías escolares.
Desde a ONG Lena queremos agradecer aos participantes, aos colaboradores e aos patrocinadores do evento, por facer posible esta xornada deportiva e solidaria que vai contribuir ao finanzamento do proxecto educativo-formativo de moz@s e adolescentes que a ONG Grãos de Luz e Griô desenvolve na cidade de Lençois-Bahía.
Desexamos que a Carreira Solidaria Décimas Narón se consolide dentro do calendario de carreiras populares de Galicia e, deste xeito, poder seguir traballando conxuntamente ao Club de Atletismo Afflelou Narón e Décimas Ferrol durante moitos anos.
Na proba absoluta, que constaba de 10km, o gañador en categoría masculina foi o coruñés Manuel O. Pérez (C.A. Coruña Comarca) cun tempo de 32’54″, seguido do atleta local Óscar Tolosa (C.A. Pitius, 33’20″) e o lucense Leonardo Rodríguez (C.A. Monumental de Lugo, 33’41″), mentres que en categoría feminina a aresá Paula Mayobre (Bikila) non deu opcións ás súas rivais, rematando a proba en 38’16″, con máis de dous minutos de vantaxe sobre a súa inmediata perseguidora, a mugardesa María Cabadas (40’30″), acompañándoas no podio a ferrolá Rocío Rodríguez (42’12″).
Clasificación xeral da Proba Absoluta
Máis fotos da carreira no Facebook de ONG Lena
A carreira na prensa: La Voz de Galicia, Diario de Ferrol
II CARREIRA SOLIDARIA DÉCIMAS NARÓN
A II Carreira Solidaria Décimas Narón, xa está en marcha.
O prazo de inscrición remata o xoves 27 de setembro ás 20:00 horas
Organizada pola ONG Lena, o Club de Atletismo Afflelou Narón e Décimas Ferrol, celebrarase o domingo día 30 de setembro a partir das 10:00 da mañá con saída e chegada á Praza de Gándara, discurrindo polas rúas do barrio (Narón).
INSCRICIÓNS
As inscricións realizaranse de forma on-line en calquera das seguintes páxinas:
- Categorías menores a través da páxina da Delegación de Atletismo de Ferrol
- Categoría absoluta, 3 opcións:
1ª. Mediante inscrición e pago a través da pasarela SEGURA de pago en championchipnorte
2ª. A través do correo electrónico da ONG Lena (onglena@onglena.org) achegando os seguintes datos: DNI con letra, Nome e Apelidos, Sexo, Data de nacemento completa (dd/mm/aaaa), Correo electrónico / Teléfono de contacto e Empresa, club, colectivo ou entidade ao que pertencen.
Previamente a inscribirse será preciso realizar o ingreso a través de calquera das seguintes contas: La Caixa: 2100 -1831 – 33 – 0200092185 ou Novagalicia Banco: 2080 0235 91 3040001240, poñendo como ordenante o nome completo do corredor ou corredora e como concepto: Inscrición Carreira Solidaria.
3ª. Presencialmente (inscrición e pago) na tenda Décimas Ferrol en Alcampo.
O prezo da inscrición é de 5 euros para a carreira absoluta. As categorías menores non pagan.
O prazo de inscrición e pagamento rematará o xoves 27 de setembro ás 20:00 horas
Tamén podes colaborar como DORSAL 0 facendo un ingreso en calquera das anteriores contas bancarias, poñendo o teu nome e especificando DORSAL 0.
Éxito de participación na 12ª edición da Xornada de Xogos Solidarios ONG LENA
Máis de 500 persoas dos distintos barrios de Narón e comarca participaron nesta nova edición dos xogos solidarios que realizamos o sábado día 22 de setembro na Praza de Galicia de Narón.
A corda, o brilé, zancos, aros, chapas, tiro de corda, tiro con arco, diábolos…. futbolín ….. mantivéronos xogando durante máis de tres horas. O obradoiro de construción de enredos, tivo moita actividade durante toda a tarde, os nenos e nenas que alí se achegaron puideron construír o seu propio xoguete.
Ao remate, como en edicións anteriores, repartimos agasallos aos participantes.
GRAZAS a todas e a todos pois coa vosa asistencia fixestes posible esta xornada e, moi especialmente, ás voluntarias e voluntarios que participaron na organización, ao Club de Tiro con Arco de Narón e ás diversas entidades privadas e públicas que financiaron esta xornada:
La Caixa, Mercadona e a Concellería da Mocidade do Concello de Narón
Deseguido, algunhas fotos que recollen distintos momentos da xornada:
